Simplified Morning and Evening Prayer in Lombaha (c. 1965)

A lenai tataro vin velu lai lo vale teri Robon.
Taroaniara: Diocese of Melanesia Press, [1965]

Lombaha is a dialect of East Ambae, an Oceanic language spoken in Vanuatu on Aoba Island (also called Ambae and Leper’s Island). This translation of simple services of Morning and Evening Prayer was published during the tenure of Alfred Thomas Hill (1901-1969) as Bishop of Melanesia (1954-1967). Wilfrid John Pinson identifies this publication as “965:14. Lombaha language, Aoba Island, New Hebrides. Daily Prayers.”

This text was digitized in 2012 by Richard Mammana from a copy provided by the Right Reverend Dr. Terry Brown, retired Bishop of Malaita.

A LENAI TATARO
VIN VELU LAI LO VALE TERI

ROBON

+ Lo hei Mama ko a Netui ko a Vui Gogona. Amen.

Vagategale.

Lord, iniko meieu, lo nomu lologarea, lo nomu togaana gogona ko lo nomu a managi.
Gom lehieu. Gom tabeau. Gom lado huri gineu doluegi a tatarise gieu. Iniko God ineu. Gom hogogi vomai laweau vataha gineu u garea.

TATARO GARIGI

God, nam gari garagara ginigo huri gu leogoroau mo dadari lolo robon naha. Nam vomai lobemu vena navu nomu vaigarea huri vataha lalakogi nai vei gaqarigi.

Gon toga mereu vena toga lolotabe, loloweweu, lolorenige: gon buluieu nan toga vurugegi dena galegaleasi doluegi; gon vai ve na hurigo lo lenai vovohoi, nahenamu vin roroa hurie, lui Jesus Christ i Lord gamai. Amen.

TATARO HURI LADOHOGO, HURI TARANI RARAI KO A TABEANA

Huri Ladohogo

God ineu, nam ladohogo ginigo,
Mama, Netui ko a Vui Gogona,
ira Gineu gaitolu mo lolotabe lui God gategale.
Nam ladohogo a Warelue u gogona vataha vanue teri,
ko nona leo huhui mere anomu.
Gon bului tuturedu gieu lo ladohogo hinaha.

Huri Tarani Rarai

God ineu, nam lado talumu ve gon buluieu lo masoaku vun.
Gon huhuieu ve na lado talumu lo vataha gineu.
Lo vagasigi, gon vaieu ve na toga meigo eulu.

Huri Tabeana

God ineu, nam tabego
huri iniko gu garea u liu,
ko huri gom tabe muegi ineu.
Gon huhuieu ve na tabego gen taqaniku vun,
ko ve na tabe na tanaloi doluegi a vevenagi iniko.

TATARO NAVUNEVU

Jesus garea, gon koko goro gaqarigi irahine doluegi neu nam tabera, hageliu . . . huri nere hageliu neu nam veve vena:

Mama eulu, nahemu na gogona; nom ute na himei; nom tarani na lai lovavagi mere eulu. Lai himei gaqarigi lawe gamai a hinaga mo eno huri gaqarigi. Gon ladovohogi nabugumai, mere gamai gam ladovohogi nabugure. Go mese siregi gamai lolo galegaleasi; gon lai gamai dena gineu esi. Anomu a ute, ko nomu a muremure, ko nomu a varavara, vi eno vi eno. Amen.

TATARO LAWE NA VUI GOGONA

Vui Gogona noi God, gon hivo lolo taqaniku mena nom a hogogi teri ta eulu. Gon huhuieu, gon dedeau. Gon buluieu ve na lalakogi vurugegi a havai gom leo ve u garea.

Jesus, iniko a nagororono ko gu ladoweweu lolo taqanimu,
Gon vai nataqaniku ve na mere taqanimu.

God managi, a Mama, a Netui, ko a Vui Gogona, na vaigareagi gide ko irahine doluegi dam tabera, mamounaha ko tetagaha tea. Amen.

REVIREVI

+ Lo hei Mama ko a Netui ko a Vui Gogona. Amen.

Vagategale.

Wareroroi a Mama, u teueu.
Wareroroi i Jesus Christ, u tun teligugieu.
Wareroroi a Vui u Gogona, u vei gogonagieu.
Wareroroi God gategale, i maso, mo tabeau ko a tanaloi doluegi.

TATARO VEVEGAREA

Mama, nam vevegareaginigo,
Huri gu teueu,
Huri gaku hinaga ko meku wai ko a gineu doluegi talo masoana hinaha,
Huri gu lei mai Netumu ve u mate hurieu.
Jesus Christ, nam vevegareaginigo,
Huri ron gagarasi gu ron gagarasi hurieu.
Nam vevegareaginigo huri nomu Warelue u gogona,
Nam leo hue a maso garaqa talo hogogi lolona.
Nam vevegareaginigo gaqarigi hageliu huri....

HAHAGAVI HURI GALEGALEASI

Vui u Gogona noi God, gon vomai sulo taqaniku, gon haharagi laweau vena ineu nau vei vagasile vahavagi gaqarigi.

(Gon toga rorono beno, gon ladolado huri nomu domiana, nomu leo ko nomu lalakogi lo bonnaha, ve gon hike haqe lai nomu galegaleasi, gon serelue lai lawe God.)

God ineu, nam lolovono garagara huri galegaleasi teri naha, huri nere ram vai gagarasiginigo, ko mo vai vohogi namasoamu a hogogi talo taqaniku. Gon vai masaragieu ko gon ladovohogi laweau huri Jesus Christ, ko nan vai leo vurugegi nava galegaleasi taligu.

Mama eulu, nahemu na gogona; nom ute na himei; nom tarani na lai lovavagi mere eulu. Lai himei gaqarigi lawe gamai a hinaga mo eno huri gaqarigi. Gon ladovohogi nabugumai, mere gamai gam ladovohogi nabugure. Go mese siregi gamai lolo galegaleasi; gon lai gamai dena gineu esi. Anomu a ute, ko nomu a muremure, ko nomu a varavara, vi eno vi eno. Amen.

TATARO NAVUNEVU

God, mama eulu, neu nam siregi lawego ve gon leo gorora irahine doluegi neu nam tabera, nere talo valeku, ira havaku, ira noku buluana, hageliu . . . . Gon koko gorora lo bon hinaha dena vataha gineu esi, ve nere ran maturu lo tamata. Amen.

Lord, gon hogogi vomai lawe gamai nom leleo, vena vai vohogi na dodogi dena taqanimai, ko ve igamai gan dadari lo leleo hogo, i Christ i Vagamasoi hi.

Mama, nam siregi namasoaku sulo limemu.

God hava na managi, hava na hahagavi, a Mama, a Netui, ko a Vui Gogona, na tutugoro gide, na koko goro gide lo tamata; ko natamatera ladohogo rau mate beno gena hahagavi noi God, nere ran mabusurigi lo tamata. amen.