Simplified Morning and Evening Prayer in Nume (c. 1965)

U Line Tatar Ve Vosog Le Ale Aavrund.
Taroaniara: Diocese of Melanesia Press, [1965]

Nume—also called Gaua and Tarasag, based on the island and primary village where it is used—is an Oceanic language spoken in Vanuatu. This translation of simple services of Morning and Evening Prayer was published during the tenure of Alfred Thomas Hill (1901-1969) as Bishop of Melanesia (1954-1967). Wilfrid John Pinson identifies this publication as “965:14. Prayers in Gaua, New Hebs.”

This text was digitized in 2012 by Richard Mammana from a copy provided by the Right Reverend Dr. Terry Brown, retired Bishop of Malaita. Dr. Alexandre François assisted in the precise identification of this language.

U LINE TATAR VE VOSOG LE ALE GAVRUND

TALOV

+ Ale sese Mam wa u Notun wa u Wovu ve Varar. Amen.

Saratuwal.

Lord, inik ve tog mena, ale non u lolovebon, ale non u varar, wa ale non u man. Nik ve kervi na. Nik ve tebe na. Nik ve dodom abe sa dol ve taram ina. Inik God ina. Nik ve sogov mina val saven ve bon. Na ve log ronog inik wa ve taqlon gor nik.

TATAR VAREAN

God, na ve varean andand inik abe nik me kokor gor na ve din u talov kere. Na ve van ma sur nik si na baer non u vawia abe val gagabalag na te da aqerig. Ka goar agin na, si na tog lolotebe, lolobebewu, lolomatag; ka birin ina si na tog wasawas den u ganganor dol; ka da si na usur inik ale line tatanig, nasan ni ronog aben; min Jesus Christ i Lord kama. Amen.

U TATAR ABE DOMTUP, U MOROS DERE, WA U TABEVA

Abe Domtup.

God ina, na ve dumtubuk, Mam, Notun wa u Wovu ve Vara, ira va tetol ve lolotebe ale God tetuwal.
Na ve domtup u Loglue ve varar val vere dol, wa non u le vatog tanni namon.
Ka kokor gor galav ina ale dumtup kere.

Abe Moros dere.

God ina, na ve mun ameken si nik te birin na ale esuk dol.
Ka vatog na si na sov imeken ale val savasav.
U basbas nan ka da si na tog mek ameken.

Abe Tabev.

God ina, na ve tebe nik, abe nik ve bon wa nik me tebe amo ina.
Ka vatog na si na tebek min nataqak dol, wa si na tebe u todun dol qetgin inik.

TATAR TIATIAS

Jesus tur vebon, ka kokor gor aqerig ale taqan irasei dol na ve tebe nir, rakasa ... abe nir dol, na vet wa:

Mama ameken, nasan ve vara, non u marana ni vana ma, non u moros ni le awatan tanni ameken. le ma aqerig min kama u gengen ve tur abe aqerig. Ka dumvite nabugima, tanni kama ve dumvite nabugir. I tog ve tanke kama ile galeva; ka lav kama den u ganganor nanon u marana, wa u man, wa u lenas, te tuwe te tuwe. Amen.

TATAR MIN U WOVU VE VARAR.

Wovu ve Varar non God, ka siv ma ile taqak, ve nom u sogov tameken. Ka vatana na, ka av na. Ka birin na si na gagabalag linlini, wa si na da veturga u saven nik ve kere moros.

Jesus, inik u nagroron wa ve dombebewu ale taqan,
Ka da nataqak si te tanni nataqan.

God turman, u Mam, u Notun, wa u Wovu ve Varar, ni vawia gind wa irase dol gind ve teber aqerig wa te tuwe te tuwe. Amen.

REVREV

+ Ale sese Mam wa u Notun wa u Wovu ve Varar. Amen.

Saratuwal.

Log ronog God u Mam me tin na.
Log ronog i Jesus Christ me tunkel na.
Log ronog u wovu ve Varar ve da varar na.
Log ronog God tetuwal i es, ve tebe na wa u todun dol.

TATAR VAREAN

Mama, na ve varean nik,
Abe nik me tin ina,
Abe gak u gengen wa mak u weliu wa u saven dol tale es kere.
Abe nik me le ma Notun sin mat abe na.
Jesus Christ, na ve varean nik,
Abe ronmagevi dol nik me ronmagevi abe na.
Na ve varean nik abe nom u Loglue ve varar,
Na ve kere wun u es ve garaq tabe sogov alon.
Na ve varean nik aqerig rakasage abe . . .

LOLOVON ABE GANGANOR

Wovu ve Varar non God, ka vana ma le taqak, ka vet le min na si na me av gese na qerig.

(Tog dodo tuqa, dudum abe non u dodomi, non u manmanes wa non u gagabalag ale qon kere si nik te el wun le non u ganganor wa nik te vet lue le min God.)

God ina, na ve lolovon wos abe ganganor dol kere, abe nir ve da magevsik, wa ve da valen naesun u sogov ale taqak. Ka da wendewend ina wa domvite mina qetgin i Jesus Christ, wa na te da el linlini den na wa ganganor mile.

Mama ameken, nasan ve vara, non u marana ni vana ma, non u moros ni le awatan tanni ameken. le ma aqerig min kama u gengen ve tur abe aqerig. Ka dumvite nabugima, tanni kama ve dumvite nabugir. I tog ve tanke kama ile galeva; ka lav kama den u ganganor nanon u marana, wa u man, wa u lenas, te tuwe te tuwe.

TATAR TIATIAS

God, Mama ameken, na ve tanke min nik si nik te matagisgis gor rasei dol na ve teber, ira tale gavruk, ira sogok, ira bulsakal, rakasa . . . . .

Ka kokor goror ale qon kere den val saven ve tetes, si nir te nor ale tamat. Amen.

Lord, ka le ma min kama non u marmaren si a da valen u silsilig den natoqama, wa si kama a din le u tur marmaren, i Christ i Vaesuma nen.

Mama, na ve tanke naesuk le liman.

God turman, tur matenarov, u Mam, u Notun, u Wovu ve Vara, ni tur gor gind, ni kokor gor gind ale tamat; wa naatara domtup me mat vata, min u matenarov non God nir a mamsen ale tamat. Amen.