Simplified Morning and Evening Prayer in Raga (c. 1965)

Tataro non ira hou gaituvwa. Rai vevea alalon ima.
Taroaniara: Diocese of Melanesia Press, [1965]

Raga—also called Hano—is an Oceanic language spoken in Vanuatu. This translation of simple services of Morning and Evening Prayer was published during the tenure of Alfred Thomas Hill (1901-1969) as Bishop of Melanesia (1954-1967). Wilfrid John Pinson identifies this publication as “965:13. Prayers in Raga, New Hebrides.”

This text was digitized in 2012 by Richard Mammana from a copy provided by the Right Reverend Dr. Terry Brown, retired Bishop of Malaita.

TATARO NON IRA HOU GAITUVWA

(Rai vevea alolon ima)

MABON

+ La ihan Tata i Nitui i Vui Sabuga. Amen.

Kera duluai.

Lord, gom dogo abeku, gin nom lolotavuha, i nom togoan sabuga i non rorono. Gom gitau. Gom dabeau. Gom lai lalaiau kun nu dadariha lalaiau. Gigo God inau. Gom lai lalaiau ginau tavuha duluai. Nam gogonai i nam dadwagugu gorogo.

AVKARIANA

God, nan akvari margainigo huri gom gogoi rahurahuiau vai votu mabon keki. Nam mai abema be nav hudalinigo huri nom vatavuha alun ginau duluai nav lolia garigi. Gov togo maiau i loliau be nav tabe, i nav magemu i nav raraniga: buluiau be nav tu dagai nin bwatigoro duluai; buluiau be nav hurigo lol vavtutu duluai, be ihama vi roroa ginia, gin Jesus Christ Lord kamai. Amen.

TATARO HURI BINIHIMASIGI, DORON HOHOV I TABEANA

Binihimasigi

God inau, nam binihimasiginigo,
Tata, Nitui i Vui Sabuga,
ira Wani tabetabe gaitolu lol God gaituvwa.
Nam binihimasigi alun Uloilua sabuga vataha vanua,
i alun non silo vagahi kun noma.
Gogoi goro vatuvwaiau lol binihimasigi keki.

Doron hohov

God inau, nam butu aluma
be goi buluiau lol rahuku duluai.
Vagahiau be nai butu aluma lol vataha ginau.
Laiau la nogonana be nav togo maigo lol ute atamare.

Tabeana

God inau, nam dabego bwatuna gon tavuha
i bwatuna gom dabeau muana.
Vagahiau be nav tabego gin sibwenigu duluai,
i nav tabe irahei dolua bwatuna gigo.

TUALOLONA HURI GIDA

Jesus tavuha, gogoi gorora duluai gabe nam dabera, hogonira lol sibwenima garigi, liu hage . . . hurira gabe nam bevea:

Tata amare, ihama na sabuga. Nom ute na mai. Nom doron na dum ataa kun amare. Lai garigi lalai kamai ginaganiana vi dadariha huri garigi. Goi binihi kaburai vuromai, kun kamai gam binihi kaburai vurora. Gov hav lin te kamai lol kalkaliana; gov lai kamai nin bwatigoro. Huri nom ute, i rorono, i sarisari vi togo vai tuai. Amen.

TATARO LALAI VUI SABUGA

Vui Sabuga non God, himai vai lol sibwenigu mai nom hogoi atamare. Vagahiau i dedeau. Buluiau be nav lol rovoga tavuha be vi anisigo lol ginau duluai.

Jesus, gom magemu i ron madavuha lol sibwenima,
Gov lol sibwenigu vi vora kun sibwenima.

God masin rorono, Tata, Nitui i Vui Sabuga, na vatavuha gida i irahei gabe tam dabera, garigi i vai tuai vai tuai. Amen.

UTE RAVRAV

+ La ihan Tata i Nitui i Vui Sabuga. Amen.

Kera duluai.

Uloi roron God Tata, nu tauau.
Uloi roron Jesus Christ, nu varahuau.
Uloi roron Vui Sabuga, nu lol sabugaiau.
Uloi roron God gaituvwa, ma rahu, ma dabeau i sinobu duluai.

AVKARIANA

Tata, nam avkarigo,
Huri gon tauau,
Huri ginaganiana i wai minu i ginau duluai huri rahuana keki,
Huri be gon hora Nituma nu mate huriau.
Jesus Christ, nam akvarigo,
Huri ron gagarasi duluai nu vwalidugo huriau.
Nam akvarigo huri nom Uloilua Sabuga,
Alolona nam habwe dum rahuana gara ata lol nom hogoi.
Nam avkarigo garigi liu hage huri . . .

LOLOVONO HURI BWATIGORO

Vui Sabuga non God, mai vai lol sibwenigu i gov loliau be nai binihi dum hava bwatigoro nan lolia garigi.

(To gogonai huri mahavana, be goi binihi huri hano gon binihia, sa gon vevea sa gon lolia lol ute rani, be gov habwe lua dum nom bwatigoro i goi vevea lalai God.)

God inau, nam lolovono maragai huri bwatigoro keki bwatuna ram lol garasigo, i ram lol sabwelei hogoi ata lol rahuma nin sibwenigu. Lol melmeloiau i goi binihi kaburai vuroku bwatuna Jesus, i nav lol ronoe be nav hav lol te bwatigoro mulei.

Tata amare, ihama na sabuga. Nom ute na mai. Nom doron na dum ataa kun amare. Lai garigi lalai kamai ginaganiana vi dadariha huri garigi. Goi binihi kaburai vuromai, kun kamai gam binihi kaburai vurora. Gov hav lin te kamai lol kalkaliana; gov lai kamai nin bwatigoro. Huri nom ute, i rorono, i sarisari vi togo vai tuai. Amen.

TUALOLONA HURI GIDA

God, Tamagu atamare, nam darainia lalainigo be gov tugorora duluai gabe nam dabera, ata lol imagu i ira nogu buluana, liu hage . . . Gov gogoi gorora nin hanoran ginau duluai ata lol boni keki be rai mabu lol tamata. Amen.

Gov hogoi nom gigita alumai, Lord, be ute meto ata lol sibwenimai vi van dagai, gai mai huri gigita masigi, Christ hagea Varahumai.

Tata, nam lin atmateku vai lol limama.

God, masin rorono i masin hahagavi, Tata, Nitui i Vui Sabuga, na varahu gida i na gogoi goro gida lol tamata, i atmatera binihi masigi ram malue dagai, gin hagaviana non God, rai mabu lol tamata.